பிரம்மாண்டங்கள் வரவேற்கப் படுகின்றன
பிரம்மாண்டங்கள் முன்மாதிரிகளாக்கப் படுகின்றன
பிரம்மாண்டங்கள் வளர்ச்சியின் அடையாளங்களாய்
சுட்டிக் காட்டப் படுகின்றன
பிரம்மாண்டங்களே வாழ்வாய் மாறும்போது
2ஜி, எஸ்,பேன்ட், விதர்பா என
வீழ்ச்சியும்கூடப் பிரம்மாண்டமாய்.
பிரம்மாண்டங்களின் அணிவகுப்பில்
பிரம்மாண்ட உலகமும்
துகள்களாய்த் தோன்ற
துகள்களை அழுத்தி
மேலெழுந்து நிற்கிறது
பிரம்மாண்டத்தின் ஒவ்வொரு தூணும்…
பிரம்மாண்டத்தைத் தாங்கிக் கொண்டு
வியந்தவாறு நிற்கிறது
ஒவ்வொரு துகளும்…
(மானுட விடுதலை பண்பாட்டுக் கழகம் 2011 ஜூலை 2 ஆம் நாள் அருப்புக்கோட்டையில் நடத்திய தோழர் கு.பா. நினைவுநாள் படைப்பரங்கில் வாசிக்கப் பெற்ற கவிதை)
No comments:
Post a Comment