மயில்கள் சரணாலயம் – கேகே

வாகனங்கள் பறக்கும் சாலையில்

மயில்கள் முடங்கிப் போயின.

வாகனம் மோதி உயிர் நீத்த தொன்று

குருதிக்காய் கொல்லப்பட்ட தொன்று

கறிக்காக மற்றொன்று

… … … எனப்பல.

வானவில்லையொத்த தன்னுடல்

நிறம் மங்குவது கண்டு

துணுக்குற்றது அந்த மயில்.

மயிலிறகைச் சேமிக்கும் சிறுமி

கடைசி மயிலின் தோகையைப் பார்த்து

கலங்கியபடி முணுமுணுத்தாள்

‘தோகை’ மயிலிடம்தான் அழகு.